主页 > H壹生活 >iPhone 6s6s Plus真.自用攻略六大电讯商计划比 >

iPhone 6s6s Plus真.自用攻略六大电讯商计划比

iPhone 6s6s Plus真.自用攻略六大电讯商计划比

上星期六又係一年一度全城大战Apple官网嘅盛事,抢到祝你自用快乐,放机唔使蚀。抢唔到唔使太灰心,除咗乖乖哋等二轮,本地六大电讯供应商嘅iPhone 6s/6s Plus出机上台计划均已出炉,不妨退下战线,放眼望远啲。

SmarTone:爆芒有水回

以入场费嚟睇,SmarTone肯定唔係最平个间,iPhone 6s要用到最贵嘅$518 6GB计划先零机价有部16/64GB,iPhone 6s Plus更加只得16GB可以零机价入手,预缴费又不见得低过其他电讯商,企硬五千蚊。胜在有「赎约」优惠加「爆芒换新」,用开SmarTone嘅朋友交完一笔赎约费就换得新机(手机型号有限制),而拣6GB计划嘅一年内爆芒会有补偿支票,适合粗心大意嘅人士使用。

iPhone 6s6s Plus真.自用攻略六大电讯商计划比
◆ iPhone 6s上台月费计划iPhone 6s6s Plus真.自用攻略六大电讯商计划比
◆ iPhone 6s Plus上台月费计划

3HK:零机价之选

3HK零机价出iPhone 6s/6s Plus最有睇头,$408月费计划就出到部16GB iPhone 6s,上多一级$498已经有64GB iPhone 6s/16GB iPhone 6s Plus。预缴费用算係冇大幅增加,同大部份对手差唔多,由$4,400起,想零机价入手要留意。

iPhone 6s6s Plus真.自用攻略六大电讯商计划比
iPhone 6s6s Plus真.自用攻略六大电讯商计划比

中移动:其实至抵?

睇落中移动冇咩特别强项,去到$448计划先零机价有部最细容量嘅iPhone 6s。不过心水清笃吓计数机,以iPhone 6s 16GB为例,选择$268计划加埋上台费、每月行政费等杂费后,成本价只係$9,136,而且中港两地数据共用,经常跨境人士最适合。

iPhone 6s6s Plus真.自用攻略六大电讯商计划比
iPhone 6s6s Plus真.自用攻略六大电讯商计划比

1010:靠增值服务发围

虽然净睇机价无人能敌,拣至平个计划上台,$570机价就换到部16GB iPhone 6s,但唔好忘记1010价钱一向有番咁上下,最平都开价每月$357,流量仅有1GB,谂到之后每个月只得1GB用,个胃即刻隐隐作痛。之但係签约上台可以赚「亚州万里通」里数,又送吓GOTV、NOW随身睇、MOOV等增值服务(当然只能拣一个),可以一战。

iPhone 6s6s Plus真.自用攻略六大电讯商计划比
iPhone 6s6s Plus真.自用攻略六大电讯商计划比

CSL:独家送英超

跟同门1010一样,虽然CSL月费相比之下係平少少,但入场成本依然贵过人,iPhone 6s 16GB要签$498先零机价,预缴费承惠$5,088,加加埋埋啲隐藏收费,总共要$9,970。然而签月费$408以上嘅计划有英超频道送,啱用的话都见使嘅。

iPhone 6s6s Plus真.自用攻略六大电讯商计划比
iPhone 6s6s Plus真.自用攻略六大电讯商计划比

联通:本地无限数据

联通唔似得中移动,将本地同大陆数据拆番开,推出本地及大中华两个唔同月费组合。以本地计划计,基本月费最低为$298,最平机价高达$2,258,不过睇埋个预缴,其实唔算差人哋太远。用返头先中移动条式,揿完机16GB iPhone 6s成本价$9,976,同CSL相差无几。本地所有计划都提供「无限」数据(公平使用量每个计划各有不同),只係衰在人哋走4G,佢仍然行紧3G,速度争咁啲。

iPhone 6s6s Plus真.自用攻略六大电讯商计划比
iPhone 6s6s Plus真.自用攻略六大电讯商计划比



上一篇: 下一篇:

相关阅读RELEVANT